20.1.10

ایک کار آمد پلگ اِن

جب کوئی قاری آپ کے بلاگ پرکوئی تبصرہ کر چُکتا ہے تو اس کی خواہش ہو تی ہے کہ وہ اپنے تبصرے کے بعد ہونے والے مزید تبصروں سے آگاہ رہ سکے۔ اب ہر ایسے صفحے کو بکمارک کرنا ممکن نہیں ہوتا اور نہ ہی زبانی یاد رکھا جا سکتا ہے کہ کس کس بلاگ پرکسی نے کہاں کہاں تبصرے لکھے تھے۔
اس کے بہترین حل کے لئے اکثر بلاگز پر کمینٹ باکس کے نیچے ایسا ایک چیک باکس موجود ہوتا ہے
جسے کلک کرنے سے بعد میں ہونے والے ہر تبصرے کی بابت آپ کو بذر یعہ ای میل اس ای میل ایڈریس پر آگاہ کر دیا جاتا ہے جو اپنا تبصرہ لکھتے وقت آپ نے ای میل ایڈریس والے خانے میں لکھا ہوتا ہے۔ بعد ازاں آپ  جب چاہیں کسی بھی پوسٹ کے کمینٹ فالو اَپ سے اَن سبسکرا ئیب کر سکتے ہیں۔
لیکن ہر تھیم میں اوپر بیان کردہ آپشن موجود نہیں ہوتا۔ تاہم آپ یہ  پلگ اِن اِنسٹال کر کہ  یہ والا آپشن اپنے بلاگ پردستیاب کر سکتے ہیں۔ یہ اضافہ آپ کے بلاگ پہ تبصرہ چھوڑنے کے خواھشمند قارئین کے لئے ایک بڑی سہولت کا سبب ہو گا۔
یہ پلگ اِن آپ ورڈ پریس کی سائیٹ سے بھی ڈاونلوڈ کر سکتے ہیں۔ اور ورڈ پریس کے ڈیش بورڈ پہ رہتے ہوئے Add New Plugins کے ذریعے اسے براہ راست بھی اِنسٹال کیا جا سکتا ہے۔ اس کے لئے وہاں سرچ باکس میں subscribe to comments  لکھنا ہو گا۔ آنے والی لسٹ میں پہلا پلگ اِن یہی ہو گا۔

2 تبصرے:

محمد طارق راحیل said...

ورڈ پریس پی کے پر موجود ہیں؟

احمد عرفان شفقت said...

یہ پلگ ان
wordpress.org
پہ موجود ہے۔

Post a comment